Полиция подполковнигы Фәнис Газизуллин эчке эшләр органнарында 1994 елдан бирле хезмәт итә
Россия Эчке эшләр министрлыгының Балтач районы буенча бүлегенә яңа җитәкче билгеләнде. Бүлек белән хәзер Фәнис Газизуллин җитәкчелек итә.
Полиция подполковнигы Фәнис Газизуллин эчке эшләр органнарында 1994 елдан бирле хезмәт итә. Аның һөнәри эшчәнлеге Балтач районы белән бәйле, ул биредә төрле елларда җинаятьчеләрне эзләү бүлегендә һәм участок уполномоченныйлары хезмәтендә эшләде.
Фәнис Фәритлович бу кәнәфине биләгәнче Россия Эчке эшләр министрлыгының Балтач районы буенча бүлеге полиция башлыгы – бүлек башлыгы урынбасары вазифасын башкарды