Жануарларға жауапкершілікпен қарауды қалыптастыруға бағытталған "Birgemiz: Ayala" жалпыұлттық жобасы табысты нәтиже беріп келеді.
Жобаны 2022 жылдан бастап "Green Help" ҚБ жүзеге асырды. Жоба аясында түрлі бағыттағы іс-шаралар, акциялар, байқаулар мен оқыту бағдарламалары өткізілді. Сонымен қатар әр жылдары 30 волонтёр мен волонтёрлік ұйымдарға шағын гранттар табысталып, жобалары сәтті жүзеге асырылды.
Іс-шараларды іске асыру барысында Қазақстанның барлық қаласында баспаналарға жорықтар ұйымдастыру және оларға волонтёрлар тарапынан түрлі көмек пен қолдау көрсету, сондай-ақ жануарға арналған жаңа үй мен отбасын іздеуге көмек көрсетілді.
2022 жылдан бастап "Birgemiz: Ayala" жалпыұлттық жобасының қатарына 6 мыңға жуық волонтёр топтасып, Қазақстандағы волонтёрлық саланың дамуына үлес қосып келеді.
Жобаны іске асыруға бірнеше қоғам белсендісі мен танымал блогерлер де тартылды. Олар арасында Айтым Жакупов, Марина Бейсехан, Перизат Мырзахмет, Динара Сәтжан және тағы басқалары бар.
Сурет: ашық дереккөздерден