Татарстан Рәисе Рөстәм Миңнеханов тиешле Указга кул куйды. Моңа кадәр әлеге түләү күләме 30 мең сум тәшкил иткән.

Яңа тәртип 2026 елның 1 гыйнварыннан гамәлгә керә. Ул өч һәм аннан да күбрәк баласы булган гаиләләргә кагыла.

Түләү балаларның һәрберсенә яшь ярымга җиткәнче билгеләнәчәк. Шул ук вакытта аның күләме балаларның яшәү минимумы үзгәрүгә бәйле рәвештә автомат рәвештә индексацияләнәчәк.

Әлеге чара күпбалалы гаиләләргә дәүләт ярдәмен көчәйтүгә һәм балалар тәрбияләү белән бәйле чыгымнарны киметүгә юнәлдерелгән.