Республика буенча сизелерлек явым-төшем көтелми, әмма төнлә кырау төшү ихтималы бар.

Синоптиклар мәгълүматларына караганда, җил төньяк һәм төньяк-көнбатыштан исәчәк, аның тизлеге секундына 6-11 метр тәшкил итә. Кайбер районнарда җилнең көчәюе дә мөмкин — урыны белән ул 14 м/с ка кадәр җитәчәк.

Төнлә һава температурасы 0...+5 градуска кадәр төшәчәк, ә аерым урыннарда туфракта һәм һавада -1 градуска кадәр туңу күзәтелергә мөмкин. Көндез исә һава +11...+16 градуска кадәр җылыначак.

Казанда да явым-төшемсез алмашынучан болытлы һава көтелә. Башкалада көндезге максималь температура +12...+14 градус булачак.

Белгечләр бакчачыларга һәм авыл хуҗалыгы белән шөгыльләнүчеләргә үсентеләрне саклау чараларын алдан күрергә киңәш итә.