Қазақстанның ұялы байланыс операторлары біртұтас уақыт белдеуіне көшуге байланысты өз абоненттеріне үндеу жолдады, — деп хабарлайды Caravan.kz медиа порталы Tengrinews.kz-ке сілтеме жасап.

Activ/Kcell абоненттері Қазақстанда 1 наурызға қараған түні сағаттың өзгеруіне байланысты болуы мүмкін техникалық ақаулар туралы SMS-хабарламалар алды.

"Үкіметтің UTC + 5 уақыт белдеуіне көшу туралы қаулысына сәйкес 29 ақпанда 23:00 (UTC +6) мен 1 наурыз 06:00 (UTC +5) аралығында сервистерді ықтимал шектеумен техникалық жұмыстар жүргізіледі. Банктер, мемлекеттік сервистер және басқалар сияқты серіктестер жүргізетін қосымша сервистерге уақыт белдеуін өзгерту жөніндегі техникалық жұмыстар әсер етуі мүмкін екеніне назар аударамыз", — деп хабарлады Activ баспасөз қызметі.

Компания "жаңа уақыт белдеуіне көшуге байланысты техникалық жұмыстар барасында мүмкін болатын шектеулерді болдырмау үшін" абоненттерге тарифті алдын ала – биылғы 29 ақпанға дейін төлеуді ұсынды.

Tele2 операторының баспасөз қызметі Tengrinews.kz тілшісіне қызметтердің жұмысындағы уақытша өзгерістерді жоққа шығармайтынын хабарлады.

"Түнгі уақытта кейбір қызметтердің жұмысында қысқа мерзімді үзілістер тудыруы мүмкін төлем жүйелерін ауыстыру бойынша сәтсіздіктер көп емес. Абоненттер түсіністікпен қарайды деп үміттенеміз. Оператор бұл өзгерістерді абоненттерімізге барынша ыңғайлы ету үшін бар күш-жігерін салады", — деді Tele2 өкілдері.

Beeline да тұтынушылар үшін ескерту дайындап жатыр. Олар ақпаратты кейінірек беруге уәде берді.